Himala ng Ating Ina ng mga Walang Mag-ampon

Ang suliranin niya ay tungkol sa ikalawang anak niya na may gulang na 20. Ito ang bunso ay may petisyon na mula sa kanilang ama na nasa Amerika. Ang panganay ay nasa Amerika na. Ayon sa batas doon ang mga anak na penitisyon, dapat ay nasa Amerika na bago mag 21, ngunit wala pa silang natatanggap na balita at malapit ng mga 21 ang kanyang anak.

Mayo na ay wala pa ring linaw kaya't nakipag-usap na siya ng puso sa puso sa Ina ng mga Walang Mag-ampon. Sinabi niya na tanggap niya na kung anuman ang maging resulta ng kanyang kahilingan. Kung ang kanyang mga anak ay matuloy sa Amerika , malulungkot siya pero nagtitiwala naman siya na hindi sila pababayaan ng Ina ng mga Walang Mag-ampon. Pero kung hindi sila matuloy, ibig sabihin may plano siya para sa kanilang mag-iina. Bigla, nakita niyang kumislap ang hikaw ng Ina ng mga Walang Mag-ampon. Naalala niya ang sabi ng mga matatanda na kapag nakita mong kumislap ang kanyang hikaw, humiling ka at ipagkakaloob ito. Kaya't taimtim siyang nanalangin at humiling.

Kinabukasan, May 11, 2000, dumating ang mga papeles ng kanyang anak na may malalaking titik "TO BE ACCOMPLISHED IMMEDIATELY". Kinabukasan nagtungo sila sa American Embassy upang magpa- interview sa medical exam. May 18, nakuha ang kanyang visa. May 23, duon na siya nagdiwang ng kanyang ika-21 kaarawan. Taong 2001, sumunod naman ang bunso.

Ang sagot niya sa mga nagtatanong kung hindi siya natatakot ngayong nag-iisa na siya, ay hindi dahil alam niyang may gumagabay sa kanya- ang Mahal na Ina ng mga Walang Mag-ampon